amalinks wokungena

Breaking News

Umkhuhlane weCOVID-19 Ubulala Abantu Ababili eZimbabwe


Abantu abafisa ukujovwa ijekiseni yokuzivikela kumkhuhane weCOVID-19.

Uhlangothi lwezempilakahle lubika ukuba kulabantu ababili ababulewe ngumkhuhlane weCOVID-19 eZimbabwe izolo kwathi abafika phose amakhulu ayisithupha – 57 bahlolwe batholakala belegciwane leCOVID-19.

Uhlangothi lolu luthi kulabantu abedlula inkulungwane ezine lengxenye 4,636 asebebulewe ngumkhuhlane weCOVID-19 phakathi kwabedlula inkulungwane ezilikhulu lamatshumi amathathu – 132,000 asebebanjwe ngumkhuhlane lo kusukela ngoMbimbitho nyakenye.

Luthi abantu abedlula inkulungwane ezilikhulu lamatshumi amabili – 125,000 sebephephe kumkhuhlane lo.

Kulabantu abedlula izigidi ezintathu - 3,2 million asebejovwe okwakuqala ijekiseni yokuzivikela kumkhuhlane weCOVID-19.

Abedlula izigidi ezimbili – 2,4 million sebejovwe okwesibili.

Emhlabeni wonke jikelele, isibhedlela seJohns Hopkins University sibika ukuba kulabantu abedlula izigidi ezingamakhulu amabili – 238 million asebeholwe batholakala beleCOVID-19 kwabhubha abedlula izigidi ezinge lengxenye - 4.8 million.

Asebejovwe ijekiseni yokuzivikela kumkhuhlane lo bedlula amabhiliyoni ayisithupha – 6,4 billion.

Facebook Forum

XS
SM
MD
LG