amalinks wokungena

Breaking News

ICOVID-19 Ememetheka Okwethusayo Ibulala Abantu Abalitshumi Lanhlanu


Bafafaza umuthi endaweni ezitshiyeneyo ukwenzela ukuvimba ukumemetheka komkhuhlane weCOVID-19 eZimbabwe.

Abantu abalitshumi lanhlanu babulewe ngumkhuhlane weCOVID-19 eZimbabwe izolo kwathi abafika phose inkulungwane – 839 bahlolwe batholakala bele coronavirus.

Lokhu kwethusa abantu abanengi abathi uhulumende kumele asebenzise indlela ezitshiyeneyo zokulimukisa uzulu ngokumemetheka komkhuhlane lo ngesikhathi ilizwe liphansi kohlelo lweCOVID-19 lockdown.

Uhlangothi lwezempilakahle lubika ukuthi sokulabantu abafika phose inkulungwane ezingamatshumi amabili lengxenye - 20,439 asebehlolwe kusukela ngoMbimbitho nyakenye batholakala bele COVID-19.

Phakathi kwenani leli, abedlula inkulungwane ezilitshumi lambili – 12,439 sebaphepha kumkhuhlane lo. Abafika amakhulu ayisithupha – 439 sebabhubha.

Idolobho leHarare yilo elilabantu abanengi asebetholakale bele COVID-19 lilandelwa yisabelo seManicaland ledolobho lako Bulawayo.

Uhulumende ukhala ngokuthi abantu kabazilandeli iziqondiso zokuvimba ukumemetheka komkhuhlane weCOVID-19 ezethulwa yinhlanganiso yamazwe omhlaba wonke jikelele ebona ngezempilakahle eyeWorld Health Organization.

Omunye wabakhala ngokwenziwa nguzulu nguDokotela Agnes Mahomva, okhokhela uhlangothi lwezempilakahle olubona ngokuvimba ukumemetheka komkhuhlane lo.

Abakhulume lomsakazo weStudio 7 bathi kunengi okumele uhulumende akwethule ukwenzela ukusabalalisa imibiko yokuvimba ukumemetheka komkhuhlane weCOVID-19. Uyakhala uNkosikazi Sukoluhle Ndlovu, okunhlanganiso yababalisi eyeAmalgamated Rural Teachers Union of Zimbabwe, ngokwenziwa nguhulumende.

UMnu. Victor Dube, isakhamuzi seHarare, uthi abantu bayazulazula endaweni ezitshiyeneyo bedinga ukudla lokunye okwenza ukuthi bengazinanzi iziqondiso zokuvimba ukumemetheka kweCOVID-19.

Uhulumende ngeviki ephelileyo uthe abantu kumele bazivalele ezindlini ngoba usumemetheka kakhulu umkhuhlane weCOVID-19 elizweni. Emhlabeni wonke jikelele, isibhedlela seJohns Hopkins University sibika ukuthi sokulabantu abafika phose izigidi ezingamatshumi ayisificamunwemunye – 89 million asebehlolwe batholakala belegciwane leCOVID-19 kwabhubha abafika phose izigidi ezimbili – 1.9 million. Isibhedlela lesi sithi kwele Melika kulabantu abedlula izigidi ezingamatshumi amabili – 22 million asebetholakale belomkhuhlane lo kwabhubha abafika phose inkulungwane ezingamakhulu amane – 373,000.

Udaba Esilethulwe nguMavis Gama
please wait

No media source currently available

0:00 0:04:53 0:00


Facebook Forum

XS
SM
MD
LG