amalinks wokungena

Breaking News

Crown Council: Sizaluphikisa Udaba Lokumisa Ukugcotshwa Kuka Bulelani Khumalo Aze Agcotshwe


Bulelani Collins Lobhengula Khumalo

Namuhla kuhlandla lethu lokucina lwendaba eziphathelane lobukhosi bama Ndebele sixoxa lesikhulumi sedale lenkosi, iCrown Council, uMnu. Effie Dlela Ncube othi uMnu. Bulelani Collins Lobhengula Khumalo uzagcotshwa kuphela kumalanga amalutshwana alandelayo ngoba bezalukhweza udaba lokwelelwa ukugcoba baze bayefika enkantolo emqoka, isupreme court.

UNcube uthi bamelele ukuzwa izizatho zikamehluli owanquma ukuthi inkosi ayingeke yagcotshwa ngoba kungekho phansi kwesisekelo sombuso. Umahluli wathi uzakupha izizatho zesinqumo sakhe kumalanga alandelayo.

“Kulandelwa amasiko athi inkosi kumele ivele enkosini ecinileyo nxa isizwe sike saba lenkosi. Inkosi yokucina kwakungu Lobhengula,” kutsho uNcube.

Uthi kumele umntwana wenkosi ozathatha ubukhosi abe ngowayesezelwa uyise eyinkosi njalo unina owathathwa inkosi isigcotshiwe.

Bane abantwana abazalwa inkosi Lobhengula esesihlaweni senkosi; ngu Njube onuye omdala, alandelwe ngu Nguboyenja, kuze uMphezeni kucine ngo Sidojiwe.

“UNgoboyenja loMphezeni bafa bengala bantwana, kusale uNjube loSidojiwe. Besesithatha omdala, ngu Njube besesithatha ke inzalo yakhe size siyofika kuBulelani,” kutsho uNcube.

UNcube uthi akusiloqiniso okukhulunywa ngabanye abathi uBulelani wazalelwa eSouth Africa njalo wakhulela khona okwenza angabi nguye ongaba yinkosi, esithi uyawazi amasiko esiNdebele.

UNcube uthi belokhu belinde izizatho zikamahlaluli zokwala ukuthi uBulelani agcotshwe besebethatha inyathelo.

“Asivumelani laye, njalo lengcwethi kwezemithetho zithi walahleka kakhulu. Sizaphikisa lesi sinqumo size siyefika enkantolo yaphezulu eye supreme court siluphikisa loludaba ngokuba ngamasiko ethu sigcoba inkosi yosiko, asilandlela yokuthi sivinjelwe amasiko ethu. Akukho ku constitution ye Zimbabwe ethi akuvunyelwa inkosi,” kutsho uNcube.

Facebook Forum

XS
SM
MD
LG