amalinks wokungena

CZI: Ukugugudeka Komnotho weSouth Africa Kungawisa Umotho weZimbabwe

  • Chris Gande

Umnu. Busisa Moyo

Ukwehliswa kwelizwe leSouth Africa kuluhlu lwesimo somnotho welizwe yinhlanganiso ebona ngoluhlu lwamazwe angethembekanga ekubolekeni imali eye S & P Global Ratings sokudale ukwesabela ukuthi ukonokala komnotho we South Africa kuzakwenza umnotho weZimbabwe ugugudeke okumangalisayo.

Ilizwe le South Africa lafakwa kusimo esithiwa yi-junk status yilinhlanganiso kulandela ukuxotshwa kwabaphathintambo bakahulumende nguMongameli Jacob Zuma ngeviki edluleyo okwahle kwawisa isisindo seRand nxa liqathaniswa ledola leMelika.

UZuma uxotshe abaphathintambo ababalisa obengowezemali, uMnu. Pravin Gordhan, wakhetha uMnu. Malusi Gigaba obephethe indaba zekhaya okwenze abakwamanye amazwe bengathembi ukuhlelwa kwendaba zomnotho welizwe.

Ingcwethi zomnotho zithi isisindo lesi sizaqhubeka sisiwa ngoba umumo wezombusazwe we South Africa ungamanga kahle.

Ukuhlaziya loludaba sixoxe lengcwethi kwezomnotho, uMnu. Busisa Moyo, njalo ongumkhokheli wenhlanganiso yabosomabhizimusi, iConfederation of Zimbabwe Industries.

UMoyo uthi isimo somnotho weSouth Africa singama nxele silakho ukuphathisa ilizwe le Zimbabwe ngoba osomabhizimusi bazakuya kulelo lizwe kulokuya kwele South Africa.

"Kuzakhathaza umnotho weZimbabwe kwezinye izindawo kodwa kuwuphakamise kwezinye. Amankampani eSouth Africa aseZimbabwe manengi kakhulu," kutsho uMoyo.

Facebook Forum

XS
SM
MD
LG