Ikhansili yakoBulawayo ithi uhlelo efuna ukuluqhuba kulelidolobho olokudiliza izakhiwo eziseNgozi Mine le Killarney ezakhiwe ngokungekho emthethweni kulelidolobho alufanani lohlelo oluse Chitungwiza leHarare eEpworth ngoba koBulawayo lunganeno.
Umphathintambo obona ngokwabiwa kwezabelo uMnu. Ignatious Chombo usanda ukuxwayisa ikhansili yakoBulawayo ukuthi iqale ngokudingela abantu izindlu zokuhlala ingakadilizi izindlu abahlala kuzo.
Kodwa umayor walelidolobho uKhansila Martin Moyo uthi mhlawumbe abantu abazihlalisa eKillarney kanye le Ngozi Mini bathembe ukuthi inhlanganiso ezizimeleyo zizabakhela izindlu njengalokhu okwenzakala kuqala abanye babo baze bayehlaliswa eRobert Sinyoka yinhlanganiso ye International Migration Authority le UNICEF.
UMnu. Moyo utshele uSithandekile Mhlanga weStudio 7 ukuthi ikhansili ayilamlandu wokuhlalisa laba abantu kutsha.