amalinks wokungena

Breaking News

Uhulumende: Ayisithi Esiqhuba Uhlelo Lokudiliza Izakhiwo eRuwa leDamofalls


Operation Murambatsvina

Uhulumende uthi kakaqalisi olwakhe uhlelo ngoba esamelele ugwalo lwe audit ye Seke leChitungwiza lapho oluzaqalisa khona.

Ikhansili ye Ruwa eduzane leHarare ithi isibizele umanjinela wayo uMnu. Anthony Mujuru emhlanganweni ukuthi azechasisa ngokuthi kungani etshele amapholisa alikhansili ukuthi adilize izindlu ezakhiwe ngokungekho emthethweni engakhulumisananga layo.

Umsekeli kamphathintambo wezabelo uMnu. Joel Biggie Matiza utshele iphephandaba le The Herald ngoLwesihlanu ukuthi uhulumende kakaqalisi olwakhe uhlelo lokudiliza izindlu ezakhiwe ngokungekho emthethweni ngoba esamelele ugwalo lwe audit ye Seke leChitungwiza andubana asungule loluhlelo.

UMatiza wengeze wathi ukudilizwa kwezindlu okwenzakala emizini ye Ruwa le Damofalls akusimlandu kahulumende. Uqhubeke ethi uhlelo lukahulumende luzaqhutshwa ngendlela ebalulekileyo ngoba abantu bazaqala betshelwe ukuthi besuke kulezindawo kusese lesikhathi.

Inhlanganiso ezizimeleyo zisole kakhulu loluhlelo zisithi uhulumende wayekela abantu besakha njalo besebenzisa lezizindlu edinga amavoti ngesikhathi sokhetho.

Ukhansila Lazarus Ndlovu wekhansili yeRuwa utshele uSithandekile Mhlanga weStudio 7 ukuthi udaba lokudilizwa kwezindlu alukaze luhlafunwe emihlanganweni yalikhansili ngakho bamelele ukuthi uMnu. Mujuru abachasisele ukuthi uyithethe ngaphi imvumo yokuqhuba loluhlelo, lanxa becabangela ukuthi usebenza lohulumende.

please wait

No media source currently available

0:00 0:02:19 0:00
Lapho esitholakala khona
XS
SM
MD
LG