amalinks wokungena

Breaking News

Odokotela Abakhalale Umsebenzi Bathi Sebehugwa Ukuyasebenzela Ezinye Inhlanganiso


Mpilo hospital

Lokhu kungabangela ukuthi kusale kungalabodokotela abeneleyo elizweni uhulumende engaqhubekea engabengezeleli iholo abalikhalazayo.

Odokotela abasebenza ezibhedlela zikahulumende abakhalale umsebenzi bathi sebebizwa zinhlanganiso ezakwamanye amazwe ukuthi bazozisebenzela, okungabangela ukuthi kusale kungalabodokotela abeneleyo elizweni uhulumende engaqhubekea engabengezeleli iholo abalikhalazayo.

Lokhu kuvezwe nguMnu. Francis Rwodzi, isikhulumeli senhlanganiso elwela amalungelo abodokotela laba eye Hospital Doctors Association, ekhuluma emhlanganweni lentathelizindaba ngoLwesithathu eHarare.

UMnu. Rwodzi uthe uhulumende, yena othi kalamali, kazimiselanga ukulalela izikhalazo zabo, wengezelela wathi inkokheli zomdabu elizweni zihola imali ephezulu kulaleyo eholwa ngodokotela.

Odokotela bafuna ukwengezelelwa iholo lisuka kumadola edlula kancane angamakhulu amabili lamatshumi ayisitshiyangalombili -282 dollars lisiya ku nkulungwane eyodwa lamakhulu amabili 1 200 dollars ngenyanga, lokunye okunengi-nengi.

Lokhu kwenzakala umumo ezibhedlela usiba mubi ngamandla njalo ezinye izigaba ezibhedlela zivalwa ngoba kungelabodokotela abeneleyo.

USithandekile Mhlanga weStudio 7 uxoxe loMnu. Keeper Ngwenya weDaluka eLupane, yena othi inengi labantu kulesisigaba bathembe isibhedlela seSt. Lukes Hospital, njalo ukukhalala umsebenzi kwabadokotela kungakhathaza labo abayabe bedluliselwe esibhedlela seMpilo koBulawayo.

Ingxoxo LoMnu. Keeper Ngwenya
please wait

No media source currently available

0:00 0:01:31 0:00
Lapho esitholakala khona

XS
SM
MD
LG