amalinks wokungena

Breaking News

Odokotela Bakhalala Umsebenzi


Mpilo hospital

Odokotela laba bazise uhulumende kumaviki amabili edluleyo ukuthi alalele izikhalazo zabo ngoba engekela bazakhalala umsebenzi.

Odokotela abasebenza ezibhedlela zikahulumende baqale ukukhalala umsebenzi ngoMvulo bekhalaza ukuthi uhulumende ebengezelele iholo lisukela kumadola angamakhulu amabili lamatshumi ayisitshiyangalombili lambili -282 dollars isiya kumadola ayinkulungwane elamakhulu amabili amadola-1200 dollars ngenyanga.

Odokotela laba bazise uhulumende kumaviki amabili edluleyo ukuthi alalele izikhalazo zabo ngoba engekela bazakhalala umsebenzi, njengalokhu osokwenzakele.

Ezinye izikhalazo zabodokotela zigoqela ukuthi basungulelwe isikhwama sokubaphathisa bengathelelwa imikhuhlane yizigulane-eye risk allowance, njalo bengezelelwe imali yama allowances abayihola ngomzuzu owodowa isuka kuma peni angamatshumi amane-40 cents isiya phezulu kwedola I $1. 45 cents.

Okunye abakukhalazayo yikuthi benelise ukuthenga imota kwamanye amazwe bengabhadali umthelo, njalo behliselwe imali abayibhadala ezindlini zikahulumende abahlala kuzo.

Odokotela laba, abedlula amakhulu amane, basebenza ezibhedlela ezigoqela ese Parirenyatwa, United Bulawayo Hospitals, Mpilo, LeChitungwiza njalo bedlula amakhulu amane.

Ukuze sizwe okunengi ngaloludaba, uSithandekile Mhlanga weStudio 7 uxoxe lomunye wabodokotela laba, uMnu. Masibongenisonke Muloyiswa, yena ogcizelela ukuthi bazaqhubeka bekhalala umsebenzi uhulumende aze alalele izikhalazo zabo.

Ingxoxo LoDokotela Masibongenisonke Moyo
please wait

No media source currently available

0:00 0:02:50 0:00
Lapho esitholakala khona

XS
SM
MD
LG