amalinks wokungena

Breaking News

Umanyano WeSADC Ucubungula Umkhuhlane weEbola


Abaphathintambo bakahulumende ababona ngezempilakahle emazweni aweSADC bahlangene, becubungula ukuthi bengavikela njani ukuthi i-Ebola lingangeni emazweni abo.

Abaphathintambo bakahulumende ababona ngezempilakahle emazweni akumanyano we SADC bathe gwaqa ngoLwesithathu eJohannesburg kwele South Africa, becubungula ukuthi bengavikela njani ukuthi igcikwane elibangela umkhuhlane we Ebola lingangeni emazweni angaphansi kwalumanyano.

Umbiko owethulwe yiSADC ukhomba ukuthi iziphathamandla ze World Health Organization labanye bayabe bekhona kulumhlangano.

Kodwa umsekeli kamphathintambo obona ngezempilakahle uDokotela Paul Chimedza utshele iStudio 7 ukuthi umphathintambo wogatsha lwakhe uDokotela David Parirenyatwa kenelisanga ukuya kulumhlangano ngoba ebambekile.

UDokotela Chimedza ubikwa esithi uhulumende uzimisele ukulwisana lomkhuhlane we Ebola ungangena elizweni, njalo useqalise ukufundisa ingcwethi kwezempilakahle ngomkhuhlane lo, kanye lokuhlola abangenayo labaphumayo emingceleni yelizwe.

Isiphathamandla se nhlanganiso ye World Health Organization kweleZimbabwe u Dokotela David Okello uthi lanxa amathuba okuthi igcikwane elibangela umkhuhlane we Ebola lingene elizweni emalutshwana, usexwayise uhulumende ukuthi ahlale eqaphele.

Umkhuhlane lo waqhamuka eGuinea waphanga wamemetheka wahlasela ele Liberia le Sierra Leone.

XS
SM
MD
LG