Ukusilela kwemali kuyaqhubeka elizweni, njalo inhlanganiso yeFewsnet ithi umkambo wensitha owe black market yiwo obangela ukuthi loluhlupho lukhuphuke. Ngakwelinye icele iZimbabwe Textile Manufacturers’ Association ithi ukuswelakala kwemali kubangelwa yikuthi ibhanga elikhulu lelizwe eleReserve Bank, liyehluleka ukwaba imali yakwamanye amazwe ngemfanelo, osokubangele ukuthi ibhizimusi yalinhlanganiso ibhidlike.
Abantu babikwa bezithengisela imali egcekeni njalo amapholisa awasaqinisi imizamo yokubabopha.
Ukhansila Peter Moyo weHarare uthi uhlupho lolu lubhahile esigodlweni.
UMnu. Ambrose Sibindi, isiphathamandla senhlanganiso ye Bulawayo Progressive Residents Association kanye leye Zimbabwe Congress of Trade Unions uthi okwenzakalayo emkambo wensitha koBulawayo kuhlupha abantu makhaza abangelamali enengi.
UMnu. Rejoice Ngwenya, ingcwethi ecubungula ezombusazwe uchasisa okungenziwa ukuqeda loluhlupho
Umongameli Mnangagwa usanda ukugcizelela emhlanganweni wama rallies akhe ukuthi udubo lokuswelakala kwemali luzaphela njalo enganqoba kukhetho manengi amankampani asethembise ukuzovula amabhizimusi kweleZimbabwe, okuzalethela ilizwe imali.
Ibhanga leRBZ lona lethesa amanye amabhanga umlandu wokugagadlela imali, kulokuboleka abamabhizimusi.
