amalinks wokungena

Breaking News

Kambe Umongameli Mnangagwa Engavuselela Umnotho Welizwe?


Ibhanga leWorld Bank lithi umnotho weZimbabwe uzaqhubeka usadalala lonyaka njalo uzakhula ngesilinganiso esiyingcosana ekhulwini

Inengi lithi alilathemba lokuthi imizamo kahulumende eyokuvuselela umnotho welizwe ilempumela, njengoba intengo yempahla ilokhu ikhuphuka, imisebenzi iswelakala, njalo imali isilela emabhanga.

Lokhu kwenzakala ibhanga lamazwe omhlaba eleWorld Bank lisithi umnotho weZimbabwe uzaqhubeka usadalala lonyaka njalo uzakhula ngesilinganiso esiyingcosana ekhulwini, i-0, 9 percent kuphela lanxa uhulumende esithi uzakhula nge4, 5 percent.

Idale lepolitburo yebandla leZANU PF lisanda ukubumba ikhomithi eyokuxazulula udaba lokukhuphuka kwentengo yempahla mahlayana elizweni.

Ibandla leli lisola osomabhizimusi ngokukhweza intengo yempahla, kodwa ingcwethi ezicubungula umnotho welizwe zithi kufanele kuvusulelwe umnotho welizwe ukuqeda loluhlupho.

Isizalwane seZimbabwe esihlala khonapha eMelika, uDr. Priscilla Mntungwa Ndlovu, uthi abantu kufanele bebekezele ngoba imizamo eyenziwa ngumongameli Mnangagwa eyokuhuga osomabhizimusi ukuthi bezosebenza elizweni ingaphumelela.

Kwezombusazwe, kusukela ibutho lithatha umbuso kowayengumongameli uMnu. Robert Mugabe, liqhuba elithi yi Operation Restore Legacy, sekubotshwe iziphathamandla ezimbalwa zebandla leZANU PF, kodwa abanye bathi ngezisekela uhlangothi lweG40 yalelibandla, hatshi umongameli Mnangagwa.

Kodwa uDr. Mntungwa-Ndlovu uthi mhlawumbe inyathelo leli lingaphathisa ukuqeda inkohlakalo elizweni okuyiyo ebangela ukubhidlika komnotho.

Ingxoxo LoDr. Priscilla Mntungwa Ndlovu
please wait

No media source currently available

0:00 0:05:56 0:00

Facebook Forum

XS
SM
MD
LG