amalinks wokungena

Breaking News

Sibanda: Ayisiwo Wonke Amankampani Angaxotsha Izisebenzi Mahlayana


Isinqumo somthethwandaba weSupreme Court sasingaqondiswanga kuwo wonke amankampani ngoba udaba lunye ngalunye lukhangelwa ngendlela etshiyeneyo.

Ingcwethi ecubungula amalungelo ezisebenzi uMnu. Ndumiso Sibanda usexwayise amankampani ukuthi engaqhubeki exotsha izisebenzi mahlayana kulandela isinqumo esisanda kuthathwa ngumthethwandaba we supreme court esokuthi bengakwenza lokhu ngoba isinqumo lesi sisaphikiswa emthethwandaba weConstitutional Court.

UMnu. Sibanda usanda ukutshela osomabhizimusi emhlanganweni koBulawayo ukuthi bazacina belahlekelwa yimali enengi bona bezama ukulungisa amankampani abo ngoba isinqumo somthethwandaba sasingaqondiswanga kuwo wonke amankampani, kodwa udaba lunye ngalunye lukhangelwa ngendlela etshiyeneyo.

UMnu. Sibanda ugcizelele kungxoxo ayiqhube leStudio 7 ukuthi isinqumo sesupre court sasihlolisisa udaba lunye ngalunye njalo amanye amankampani axotshe izisebenzi mahlayana engazithola esesebunzimeni ngoba ephule imthetho yamalungelo ezisebenzi.

please wait

No media source currently available

0:00 0:01:37 0:00
Lapho esitholakala khona

XS
SM
MD
LG