amalinks wokungena

Breaking News

Omakhalekhukhwini Sebethathela Amabhanga Umsebenzi


Abantu sebethumezelana imali ngomakhalekhukhwini..

Ekuqhubekeni kodubo lokusilela kwemali emabhanga eZimbabwe, indlela yokusebenzisa umakhalekhukhwini ekubhadaleleni indleko loba izikwelede, isiyamukelwe ngabanengi kodwa abayisibo bonke abayijabulelayo lindlela.

Abantu sebesebenzisa umakhalekhukhwini ukwenza phose yonke imisebenzi eyayisenziwa emabhanga efana lokuthumelana imali, ukubhadala izikwelede kanye lokugcina nje imali umuntu esendlini yakhe.

Ingcwethi ecubungula ezomnotho, uMnu. Masimba Kuchera uthi imbadalo yokwenza lumsebenzi yiyo ekhama abanye ibenza bengathakazeleli ukusebenzisa omakhalekukwini.

UKuchera uthi kumele kube lendlela zokuvimba ukutshontshelwa imali ngabayabe besebenzisa ingcingo ezingayisizo zabo.

Kwesinye isikhathi umuntu nxa efuna ukusebenzisa umakhalekhukwini ukubhadala kubanzima ngoba kungela magagasi.

Bakhona abangakakwemukeli ukusebenzisa umakhalekhukwini ukuthenga kumbe ukubhadalela indleko zabo. Umnu. George Nkiwane, olwela ilungelo lezisebenzi laye uphe umbono wakhe ngalolu daba.

Ngobunzima abantu ababhekana labo emabhanga ukuthola izimali zabo sebebanjwa ngamandla ukusebenzisa indlela yabomakhalekhukhwini osokubone amankampani la, abalisa i-Telecell, Econet le Netone, esiba lenzuzo enkulu phose izigidi ezingamakhulu amabili zamadola kunyanga ezintathu zokuqala komnyaka, kodwa abantu bakhala ngokuthi iza lendleko enkulu nxa umuntu eyisebenzisa.

please wait

No media source currently available

0:00 0:04:18 0:00

Facebook Forum

XS
SM
MD
LG