amalinks wokungena

Breaking News

Elakusasa Lokwethulwa Kwezindaba eZimbabwe Libikwa Limi Manzonzo


Elakusasa lezokwethulwa kwezindaba elizweni libikwa limi manzonzo kulandela imbiko ethi amankampani amabili amakhulu alamaphephandaba, i Associated Newspapers of Zimbabwe, ANZ, le Alpha Media Holdings abhekane lobunzima osebubangele ukugunyulwa kwezisebenzi.

Inkampani ye ANZ ibikwa isivale amahofisi ayo ezabelweni njalo yathembisa ukuxotsha izisebenzi ezinengi ngoba ibhekane lohlupho lokusilela kwemali.

Kodwa amaphephandaba azimeleyo amabili athi ele Financial Gazette, elilabanini ababalisa owayengusibalikhulu webhanga le Rerseve Bank, uMnu. Gideon Gono lele Zimbabwe Mail, elilabanikazi abambalwa ababalisa umphathintambo wezokuhambisa, uMnu. Obert Mpofu yiwo abikwa engabhekananga lodubo lokusilela kwemali.

Imizamo yokukhuluma leziphathamandla zamankampani e ANZ le Alpha Media yehlule.
Kodwa amankampani kahulumende adinda amaphephandaba, iZimbabwe Newspapers abikwa engaladubo olufanayo.

Ukuhlaziya loludaba uChris Gande weStudio Seven uxoxe lengcwethi kwezokwethulwa kwemibiko, uMnu. Zenzele Ndebele othi kusiyaphela umnyaka kuzakuba sekulenhlanganiso zikahulumende kuphela ezethula indaba.
please wait

No media source currently available

0:00 0:02:16 0:00
Lapho esitholakala khona
XS
SM
MD
LG