amalinks wokungena

Breaking News

Uhlelo Lokuthuthukisa Izabelo Lwamalunga Edale Lephalamende Lungamiswa Yikuswelakala Kwemali


Amalunga edale lephalamende athi kungenzakala lonyaka ukuthi ugatsha lukahulumende lwezemali luswele imali yokuthuthukisa izabelo kuhlelo oluthakazelelwa nguzulu olwe Constituency Development Fund.

Amalunga la athi asencwetshwe indlebe ngezinye iziphathamandla zalolu gatsha ukuthi akasoze athole inkulungwane eziyisithupha zamadollar eMelika akade kumele ayithole ekuqaliseni kwenyanga kaMpandula.

Umphathintambo obona ngezedale laphalamende uMnu. Eric Matinenga uthi njengoba uhulumende we Zimbabwe engelamali yenhlelo ezinengi, kungenzakala ukuthi uhlelo lokuthuthukisa izabelo olwenziwa ngamalunga edale leli lumiswe lonyaka.

Uthi loba lokhu kungakethulwa okusemthethweni lugatsha lwezemali, amalunga ephalamende asedaniswe yikuthi abantu makhaza kade belumelele kakhulu uhlelo lolu.

Uphinde wathi lokhe ekhona amalunga edale lephalamende alokhe engavezanga ingwalo ezitshengisa ukuthi asebenzisa njani imali yohlelo lwanyakenye.

Umnu. Thandeko Zinti Mkandla omele iGwanda kudale lephalamende uthi kuzwisa usizi ukuthi uhulumende angehluleka ukudinga imali yohlelo lokuthuthukisa izabelo.

XS
SM
MD
LG