amalinks wokungena

Breaking News

Ele Zimbabwe Lethula Isithupha Esitsha Somtshado Esingadindekiyo Ngasese


Iwofisi ebona ngokunika uzulu izithupha lokuvotisa iRegistrar-General’s Office kubikwa isiyethule isithupha somtshado esitsha esizakwenza ukuthi uzulu engenelisi ukuba lemtshado eminengi njalo lokuthi abantu bemazweni bengathathi inzalo ye Zimbabwe ngendlela ezingaqedakaliyo.

Uregistrar-general uMnu. Tobaiwa Mudede uthi isithupha lesi sibhalwe ngedlela yokuthi kasidindeki ngama computers, njalo sizabe sifakwe ebulenjini bokwelusa uzulu lapho okuzabe kulemfanekiso yaphakathi kweminwe – ama finger prints - abatshadileyo.

Umnu. Mudede uthe banengi abantu bemazweni okubikwa betshada lenzalo ye Zimbabwe ukwenzela ukuthi bathole incwadi zokusebenza kumbe ezokuhlala elizweni loba nje abanye babo bayebe betshiye abafazi labantwana emazweni abo.

Uthe isithupha somtshado lesi sizakuqeda konke lokhu njengoba sokuzabalula ukuthi labo abaqilayo bebanjwe.

Izithupha ezaphiwa abatshadileyo lokhe zisebenza kodwa-ke labo abafuna ukutshada sokumele bathole izithupha ezintsha ezizatholakala kubafundisi kanye lamadale emthethwandaba akhangele ezemitshado.

Ukuze sihlaziye loludaba sixoe loNkosikazi Ntombiyothando Ncube we Gwanda esabelweni seMatabeleland South lo Mfundisi Useni Sibanda we Christian Alliance of Zimbabwe abavumelane ukuthi ingcwadi lezi zilakho ukunceda uzulu loba ugatsha likahulumende lolu luphizile ukuzenza.

XS
SM
MD
LG