amalinks wokungena

Breaking News

Ele Zimbabwe Lifuna Ukufundisa Induna Indlela Yokuphatha Amashares Amankampani Anikwa Uzulu


Umphathintambo wezabasakhulayo lokuthuthukisa inotho kazulu uMnu. Saviour Kasukuwere uthi ugatsha lwakhe soluzaqalisa ukufundisa induna ngezamabhizimusi lokuphatha amashares amankampani emazweni azatholwa nguzulu kuma community share ownership trusts.

Kubikwa ukuthi uMnu. Kasukuwere uthi imfundo le izakwenza ukuthi induna zibe lamandla okuthatha izinqumo ezijulileyo ezizakwenza ukuthi abantu makhaza bathole usizo olukhangelekayo kunhlelo zama ownership trusts.

Uphinde wathi izifundo lezi zizakwenziwa ngenxa yokuthi ezinye induna ikakhulu lezo ezingafundanga zithathela khatshana inhlelo zokwaba amashares amankampani emazweni asebenzela kwele zimbabwe.

Ingcwethi kwezenotho zithi loba nje induna zizathole imfundo ephakeme ehambelana lokusebenza kwamabhizimusi inengi lazo kazisoze zenelise ukuzwisisa inhlelo lezi.

Umnu. Rejoice Ngwenya eyinye yalazi ngwethi uthi zikhona induna ezizancedwa yizifundo lezi kodwa ezinengi ziyasala zifiphele enqgondweni njengoba zingafundanga.

XS
SM
MD
LG