amalinks wokungena

Breaking News

Ele Zimbabwe Linxuswa Emhlanganweni we Commonwealth Kulandela Ukusuka kukaMugabe


Inhloko kahulumende yakwele Bhilitane, uNkosikazi Theresa May

Ele Zimbabwe linxuswe emhlanganweni wenkokheli yamazwe omanyano we Commonwelath oqala namhla esigodlweni se London, abanye abathi kutshengisa ukwekethisa kokufuthelana obekuphakthi kwamazwe womabili athi ele Zimbabwe lele Bhilitane.

Ele Zimbabwe lasuka kumanyano lo obuthanisa amazwe ayebuswa ngele Bhilitane, ngomnyaka ka 2003 kulandela ukuxotshwa kwalo ngokungavumelani lowayengumongameli, uMnu. Robert Mugabe.

Okhokhela iqula elizamela iZimbabwe ngumphathintambo wezobudlelwano be Zimbabwe lamanye amazwe, uMnu. Sibusiso Moyo.

Iqula leli belingapha kweleMelika lapho elikhulumisane leziphathamandla zikahulumende kaMnu. Donald Trump, andubana lisuke izolo.

Inkokheli yele Zimbabwe kunye lamanye amafekitali yetheswa izijeziso zenotho.

Ngemva komhlangano weviki yonke, iqula leZimbabwe likhangelelwe ukuya kwele Belgium lapho elizakhulimisana leziphathamandla zomanyano we European Union lawo owathesa ele Zimbabwe izijeziso zenotho.

Ukuhlaziya loludaba sixoxe lengcwethi ecubungula ezombusazwe, uMnu. Bekithemba Mhlanga.

“Ngoba into yokuthi sililizwe siyilizwe elingabantu abangakhulunyiswa ngabanye abantu, sesinyanywa ngabanye abantu njengathi silemkhuhlane akulunganga,” kutsho uMhlanga.

Uthi nxa amanye amazwe lawo esesithi wozani sizoxoxisana sihlalisane kumele uzulu akujabulele lokho.

please wait

No media source currently available

0:00 0:04:10 0:00

Facebook Forum

XS
SM
MD
LG