Ele Zimbabwe seliyale ukuthatha isikwelede samabillion angamatshumi amahlanu amadollar eMelika-US$50 billion ebinikezwa yi Norange Capital Markets ye South Africa lisithi limali ingcolile.
Linkampani ibikwa ibithembise njalo ukunika ele Zimbabwe izigidi ezilikhulu zamadola eMelika engabiselwayo.
Umongameli Robert Mugabe kanye lomphathintambo wezemali uMnu. Tendai Biti babikwa bexwayiswe ngababona ezomthetho welizwe ukuthi limali ivela esambengi se Mafia ye Russia lamalwecatsha asemazweni atshiyeneyo.
Uhulumende wazise linkampani ukuthi ingazihluphi ngesikwelede lesi loba nje ilizwe lidinga imali yokuthuthukisa umnotho wayo.
Umqondisi walinkampani uMnu. Hendrie Hattingh uthi kungamanga ukuthi inkampani yakhe indlelana le Mafia yakwele Russia lamalwecatsha.
Ingcwethi kwezombusazwe uMnu. Nkululeko Sibanda uthi uhulumende wenze kahle ukwala ukuthatha isikwelede lesi.
