Inhlanganiso yakwele Canada, eye Fraser Institute ifake ele Zimbabwe ekucinenei koluhlu lamazwe alikhulu lamatshumi amane lanye ahlolisiswe ukuthi ami njani ngokuvumela osomabhizimusi ukuthi bavule amabhizimusi kulawo mazwe.
Kugwalo olulesihloko esithi Economic Freedoms of the World olwethulwe yinhlangnaiso le, ele Zimbabwe libikwa lokhe lisehluleka ukuthola abemazweni abangavula amankampani ngenxa yokuba lemithetho engaqedakaliyo.
Ukuxokozela kuhulumende womanyano lakho kubikwa kungesinye isizatho esenqabela ukuvulwa kwamankampani ngabokuza.
Inhlanganiso le ithi ele Zimbabwe liphose libe njenge Burma, Angola le Venezuela ekwehlulekeni ukuba lemthetho lakho konke nje okungenza ukuthi osomabhizimusi bavule amankampani abo bekhululekile.
Ingcwethi kwezenotho uMnu. Walter Nsununguli Mbongolwane utshele uGibbs Dube we Studio 7 ukuthi kumele kube lohulumende okhethwe nguzulu ukwenzela ukuthi osomabhizimusi bemazweni bakhululeke nxa befuna ukuvula amankampani eZimbabwe.
