Ikhomithi eholwa ngabaphathintambo bakahulumende ibikwa ibithe gwaqa ngoLwesithathu ntambama eHarare icubungula indlela zokwenqabela ukusabalala kwegcinikwane le Coronavirus eliqhamuke eChina kumaviki ambalwa edluleyo.
Ugatsha lukahulumende olwezempilakahle luthi abazatholakala belegcikwane leli bazasiwa esibhedlela seWilkins lese Beatrice Infectious Disease Hospital, eHarare ngesiphangi-phangi, ukuyahlolwa khona.
Ngaphambilini kwalumhlangano, umphathintambo kahulumende obona ngobudlelwano lamanye amazwe uMnu. Sibusiso Moyo, ubikwa ehlangane lesiphathamandla sikahulumende weChina ehofisini yakhe eHarare, becubungula indlela zokuvikela ukusabalala kwegcikwane le coronavirus eZimbabwe.
Ukuhlaziya loludaba, sxoxa loMnu. Thembelani Dube, isiphathamandla senhlanganiso yeBulawayo Progressive Residents Association, esiqala ngokumbuza ukuthi kambe abantu makhaza balolwazi na ngegcikwane le coronavirus?
