amalinks wokungena

Breaking News

Uhulumende weZimbabwe Usola eleMelika Ngokwethesa uMnu. Owen Muda Ncube Izijeziso


UMnu. Mike Pompeo
UMnu. Mike Pompeo

EleMelika ngoLwesihlanu lethese uMnu. Ncube izijeziso lisithi wephula ilungelo loluntu. Lelinyathelo lethulwe yisiphathamandla sikahulumende weMelika uMnu Mike Pompeo.

Uhulumende weZimbabwe usesole ilizwe leMelika ngokwethesa izijeziso isiphathamandla sakhe uMnu. Owen Muda Ncube njalo uthi lokhu akudingakali ngalesi isikhathi.

EleMelika ngoLwesihlanu lethese uMnu. Ncube izijeziso lisithi wephula ilungelo loluntu. Lelinyathelo lethulwe yisiphathamandla sikahulumende weMelika uMnu Mike Pompeo.

Ekhuluma leStudio 7 ngoMgqibelo umsekeli kamphathintambo obona ngokwethulwa kwembiko uMnu. Energy Mutodi uthe kusobala ukuthi eleMelika lizama ukuthi abantu bavukele uhulumende wabo ngenxa yokubhidlika komnotho welizwe, beselizifakela elimfunayo.

Uqhubeke wathi izijeziso zenotho lezi, ezikhathaza umuntu wonke, zetheswa iziphathamadla zebandla leZANU PF ngenxa yohlelo lokwaba kutsha umhlabathi.

Inyathelo leMelika leli lize ngosuku lapho abasekeli beZanu PF abatshengisele khona besithi izijeziso ezetheswa amalunga ebandla labo yiMelika lomanyano weEuropena union kumele zesulwe.

Ukuhlaziya udaba lwezijeziso, sixoxe loMnu. Dingumuzi Phuthi omela iBulilima West edale lephalamende njalo elilunga lebandla leZANU PF.

UMnu. Phuthi uthi kusobala ukuthi umongameli Emmerson Mnangagwa ulwisana lenkohlakalo elizweni, njalo kufanele lezi izijeziso zesulwe.

please wait

No media source currently available

0:00 0:01:37 0:00

Ukuhlaziya ukuthi umkhankaso wokuthi izijeziso lezi zikhutshwe uphumelele na, sixoxe loMfundisi Anglistone Sibanda, olwela ilungelo loluntu. Uthi kunengi okufanele kulungiswe elizweni ukwenqabela ukwephulwa kwamalungelo oluntu.

please wait

No media source currently available

0:00 0:02:07 0:00


XS
SM
MD
LG