amalinks wokungena

Breaking News

EleZImbabwe Lehluleka Ukubhadala Izikwelede Zemazweni Lonyaka


Iziphathamandla zikahulumende zithi ele Zimbabwe kalisoze lenelise ukubhadala izikwelede zenhlanganiso zamazwe womhlaba lonyaka, ngoba uhulumende ebhekane lobunzima obukhulu ekubuthaniseni imali evela kumithelo ebhadalwa nguzulu lakumankampani.

Iziphathamandla lezi zitshele iqula lenhlanganiso yeInternational Monetary Fund (IMF) elisekwethekeleleni eZimbabwe ukuthi okwamanje uhulumende wenelisa ukubuthanisa izigidi ezilikhulu lamatshumi amahlanu zamadola eMelika-US$150million, ngenyanga, kulokuthi abuthanise izigidi ezedlula amakhulu amathathu-US$350million.

Zithi lokhu kubangelwa yikuthi umnotho welizwe lokhe uncipha ngenxa yokuvalwa kwamabhizimusi kanye lokuswelakala kwemsebenzi.

Lokhu sokwenze njalo ukuthi ilizwe lingenzi ezinye inhlelo zikazulu njalo lingabi lemali yokubhadala kancane isikwelede senhlanganiso zemazweni ezinjenge IMF le World Bank esesifika kumabillion ayisikhombisa amadollar-US$7 billion.

Ingcwethi kwezenotho uMnu. Bekithemba Mhlanga uthi akumangalisi ukuthi ele Zimbabwe lizehluleka ukubhadala izikwelede lezi ngenxa yokuthi umnotho welizwe kawuthuthuki.

XS
SM
MD
LG