WASHINGTON DC —
Inhlanganiso yePost Independence Survivor’s Trust (PIST) ithi abantwana eMashonaland Central bafundiswa ngababalisi abakhuluma ulimi lwabo hatshi okwenzakala eMatabeleland lapho okulabanye ababalisi abangazi indimi ezikhulunywa ezigabeni abafundisa kuzo.
Linhlanganiso ithi iphakathi kokuqhuba uphenyo lokudingisisa ngempilo yezakhamizi zeMashonalad Central.
Ithi njalo lesi sigaba silabantwana abangamantombazana abanengi abendiswa bebancane, ikakhulu abokholo lwesiPostoli.
Umqondisi walinhlanganiso, uMnu Felix Magalela Mafa Sibanda utshele iStudio 7 ukuthi uphenyo lwabo luzaphathisa ingatsha zikahulumende ukuthi zilungisise inkinga abayape bezibonile.