WASHINGTON DC —
Lokhu bengamatshumi amathathu lane-34 abafunyenwe belegcikwane leCovid 19 eZimbabwe.
Emhlabeni jikelele asebefunyenwe belegcikwane leCoronavirus sebeyizigidi ezedlula ezintathu lengxenye-3,747,315, phakathi kwalelo nani iMelika ilabantu abedlula isigidi-1,205,138.
Kuthi asebebulwe yiCovid 19, emhlabeni jikelele, sebezinkulungwane ezedlula amakhulu amabili lengxenye-258,963, kodwa asebesinde kulumkhuhlane besedlula isigidi lamakhulu amabili-1,250,606.
Emazweni awezwekazi leAfrica sebezinkulungwane ezingamatshumi phose amahlanu-49,352, asebefunyenwe belegcikwane leCoronavirus njalo selibulele inkulungwane phose ezimbili-1,959, kwasinda inkulungwane ezedlula ezilitshumi lanhlanu lengxenye-16,315.