amalinks wokungena

Breaking News

Kubuthana Abantu Abedlula 200 Emhlanganweni weWomen of Dominion


Emhlanganweni weWomen of Dominion

Impelasonto edluleyo ibe ngemnandi kumakholwa esiKrestu adabuka eZimbabwe asehlala kwele Melika ababuthene bekhonza uNkulunkulu wabo becula ingoma zokholo njalo bethola intshumayelo, ukudla kwendlebe lomoya, okubisela imicabango yabo ngempilo yasekhaya.

Umuntu ongabe wayelalele ukuxoxa kwabantu becula wawuzakuthi enxenye ngabantu abaphuma ecaweni kweinye indawo eseZimbabwe ikantike ca, lapho kusedolobheni leCincinnati, eOhio, lapho okubuthene abadabuka eZimbabwe abedlula amakhulu amabili inengi labo kungabesifazana abeze emhlanganweni wamakholwa esiKrestu womnyaka owe 4th annual Women of Dominion Conference. kwabanengi abadabuka eZimbabwe abahlala kweleMelika lokhu kwenzeka kuphela nxa kuthe kwaba lemfa kumbe umtshado.

AmaZimbabwe aze ngobunengi besuka endaweni ezehlukeneyo zeUSA, emhlanganweni lo wensuku ezintathu obuthanise abantu abeze lemithwalo yabo lezanhluphe ukuzodinga umusa ukucebisana, ukukhulekelwa lokukenje babelekele ubunzima bempilo usemazweni.

Kube lokufakaza okuthile lokwabelana amacebo emhlanganawenilo obuphansi kwesihloko esithi “Ebenezer siyabonga Nkosi onomusa, lapho osifikise khona namhlanje………..

Abanengi abeze eOhio, babuye ngamabhasi, abanye betshayela izimotha zabo, abanye njalo ngendizamtshina, besiza abanye Labantwana, abangane, abemhuli labomakhelwane.

Inengi belifakaza ukusindiswa elikwenziwe emhlanganweni lowo okokuthi ngomnyaka ozayo kabafuni kukhuthwa yiwo.

Abanye abakade bekhona babalisa abavele kwele South Africa lase Zimbabwe, abafana loNkosikazi Anne Thokozani Ncube ongusomabhizimusi ophumelelayo okwamagama owake wahlala laye emazweni.

AmaZimbabwe amanengi ahlala emazweni athi imihlangano enje iyabanika ithuba lokuhlanganela labanye becebisana, betshelana inhlupho zabo, ukukhuluma nje ulimi lwabo ilanga lonke kungela sikhiwa, ukucula ingoma abzejweleyo, ukudla abakuthandayo lokukhulekelana nje ukuze kubasondeze eNkosini.

Emhlanganweni weWomen of Dominion 2015
please wait

No media source currently available

0:00 0:10:05 0:00
Lapho esitholakala khona

XS
SM
MD
LG