amalinks wokungena

Breaking News

Emmanuel Moyo: Angikatholi Usizo Olweneleyo Lokuthenga AmaColostomy Bags Selokhu Ngaba Lesifo Samathumbu


UMnu. Emmanuel Moyo Lonina uNkosazana Constance Ndlovu
UMnu. Emmanuel Moyo Lonina uNkosazana Constance Ndlovu

UMnu. Emmanuel Moyo osephila ngokusebenzisa imigodla yama colostomy bags, kulandela ukugula kwakhe ngemva kokunatha amanzi abikwa ayengahlanzekanga elokitshini leLuveve koBulawayo uthi lanxa abantu bathembisa ukumsiza, kakemukeli uncedo oluyangaphi.

UMnu. Emmanuel Moyo osephila ngokusebenzisa imigodla yama colostomy bags, kulandela ukugula kwakhe ngemva kokunatha amanzi abikwa ayengahlanzekanga elokitshini leLuveve koBulawayo uthi lanxa abantu bathembisa ukumsiza, kakemukeli uncedo oluyangaphi.

Unina kaMnu. Moyo uNkosazana Constance Ndlovu, uthi indodana yakhe yatholakala ilomkhuhlane wesihudo owetyphoid, yasihlinzwa. Imigodla le ixhunywa esiswini sakhe njalo yiyo ekhongozela ingcekeza evela ethunjini, okutsho ukuthi sokuyindlela yakhe yokuya ngaphandle.

UNkosazana Constance Ndlovu, uthi ama colostomy bags lawa abiza amadola eMelika asuka kwamane esiya kwamahlanu linye-ngalinye, njalo kenelisi ukuwathenga ngoba engasebenzi kanye lendodana yakhe. Adulayo asetshenziswa kathathu, kodwa amanye kanye kuphela.

Uqhubeke wathi uMnu. Moyo usesidla ukudla okubalisa i rice, sphaghetti, amagwili, lokunye okudulayo ngenxa yesimo sakhe.

UNkosazana Ndlovu uhlala ku1037 eLuveve lendodana yakhe, eleminyaka engamatshumi amabili, njalo abalesifiso sokubasiza bengabathola kunombolo zikamakhalekhukhwini ezithi: 7835399622.

Ukhansila Febbie Dube kaWard 15 eLuveve, esimthole evakatshele uNkosazana Ndlovu leNdodana yakhe, ugcizelele loludaba kungxoxo ayiqhube leStudio 7.

Uthe ikhansili yakoBulawayo yathi aqoqe njalo alethe amaphetshana afakaza ukuthi abantu bahlawula imbadalo yemota zama ambulance besiya ezibhedlela lemakilinika, ukwenzela ukuthi bephiwe imali abayisebensizayo.

Kodwa abanye abakhuluma leStudio 7 kunyanga ezimbalwa ezedluleyo, lapho okwaqhamuka lesi isihudo, bathi bakhokha imali enengi ezibhedlela lemakilinika ngenxa yokunatha amanzi la.

Inhlanganiso elwela amalungelo abahlali bakoBulawayo eye Bulawayo Progressive Residents Association, yamangalela ikhansili ngaloludaba.

Okunengi, asikuzweni kungxoxo uKhansila Msipha ayiqhube leStudio7 kuhlelo lwabesifazana, endawonye loMnu. Moyo loMaNdlovu.

please wait

No media source currently available

0:00 0:05:07 0:00

XS
SM
MD
LG