amalinks wokungena

Emmerson Mnangagwa: Ngafakelwa Itshefu, uVP Mphoko Nguye Olamanga

  • Chris Gande

UMnu. Emmerson Mnangagwa

Umsekeli kamongameli welizwe, uMnu. Emmerson Mnangagwa, uthi lakanye wafakelwa itshefu eGwanda ngenyanga kaNcwabakazi lapho acina egula ethwalelwa esibhedlela seSouth Africa, lanxa uMongameli Mugabe wathi udokotela kaMnangagwa walandula lokhu.

UMnangagwa utshele intathelizindaba ngoLwesine eHarare emahofisini akhe akamphathintambo wezomthetho ukuthi umbiko owethulwe ngoLwesibili ngomunye wakhe, uMnu. Phelekezela Mphoko, awumhloniphi njalo ungamanga.

UMnangwagwa uthi imbali yakhe iyatshengisa ukuthi ukusekela kwakhe ibandla le Zanu PF akukaze kudedele emuva.

UMnangagwa uyangisiwe nguMongameli Mugabe obevela kwele South Africa egcekeni lendizamtshina lapho ayale ukumxhawula wasemfuqa.

Ababili laba babonakale emsakazweni we ZBC bekhuluma okwesikhathi esingafika imizuzo elitshumi lanxa amazwi abo abengazwakali bebebonakala bethukuthele.

Abazi ngokwenzakeleyo bathi uMugabe utshele uMnangagwa ukuthi waqamba amanga ngembangela yemfa kaMahofa esithi kumele alethe ubufakazi bokuthi wafakelwa itshefu kungakafiki ihola letshumi ngoLwesihlanu.

UMugabe ubikwa esithi engehluleka uMnangagwa kuzamele achasise ukuthi wayevele ejongeni ngamazwi akhe.

Kunjalo nje, ukudonselana amandla kubandla le Zanu PF kungaba sekufike kusibanga esiphezulu kulandela ukufuqwa esifubeni okwenziwe uMngangagwa nguMongameli Mugabe ngoLwesithathu egcekeni lendizamtshina.

Ukuhlaziya loludaba sixoxe lengcwethi ezicubungula ezombusa, uMnu. Ambrose Sibindi loMnu. Nkululeko Sibanda.

Facebook Forum

XS
SM
MD
LG