amalinks wokungena

Breaking News

Emmerson Mnangagwa: Asicabangi Ngokungena Kumanyano Wamazwe Asebenzisa iRand


Umongameli Emmerson Mnangagwa

UMongameli Emmerson Mnangagwa ngoMvulo ubekwele Namibia phansi kohlelo lokwethekelela amazwe angomakhelwane.

Ngeviki edluleyo ubekwele Angola. ENamibia kuthiwa utshele intathelizindaba ukuthi abamabandla aphikisayo bahlale besithi abakubutho bengakhulumi ngezombusazwe okwenze ukuthi abasuse kubutho.

Uthi njalo ilizwe leZimbabwe alijahanga ukungena kumanyano wamazwe asebenzisa imali yohlobo lwama Rand kodwa lizacanda umhlahlandlela wokuvuselela idolo le Zimbabwe.

Lolu ludaba abikwa ebelulandile kwele South Africa ngeviki edluleyo lanxa uhulumende elandula lokhu.

UMnangagwa ukhulumisane lomunye wakhe, uMongameli Hage Goingob, engakakhulumisani lezizalwane zeZimbabwe ezihlala khonale.

Ukuhlaziya loludaba sixoxe lengcwethi ecubungula ezombusazwe, uMnu. Nqabutho Nicholas Mabhena.

Ukusetshenziswa kwe Rand kungaqeda na udubo lokusilela kwemali elizweni leZimbabwe?

"Kumele siqale silungisise lokhu okuthiwa ngelasemzini, yi-production, ngoba imali kumbe i-currency ihambisana lokuthi ilizwe lanelisa ngokuthi livune okunganani," kutsho uMabhena.

Uthi yena labanye bakhe abebandla lamakhamanisi babona kungcono ukuthi ilizwe lingene kumanyano wokusebenzisa iRand okweminyaka emihlanu kulungisiswa umnotho welizwe.

"Akuzamayo uMnangagwa ngicabanga ukuthi ufuna ukuqala aqinise ubudlelwano lamazwe awe SADC, njengoba sisazi ukuthi kwezohwebo, itrade, sidlelana labamazwe la," kutsho uMabhena.

please wait

No media source currently available

0:00 0:02:12 0:00

Facebook Forum

XS
SM
MD
LG