amalinks wokungena

Breaking News

UMnangagwa Uxotsha Umahluli weHigh Court


FILE: Judges are seen during the inauguration ceremony of Zimbabwean President Emmerson Mnangagwa, at the National Sports Stadium in Harare, Sunday, Aug. 26, 2018. (AP Photo/Tsvangirayi Mukwazhi)

UMongameli Emmerson Mnangagwa usexotshe uJustice Eric Ndewere esithi wehlulwa ngumsebenzi.

UMnangagwa kubikwa kuthi uxotshe uJustice Erica Ndewere ngoLwesine kulandela okwethulwe ngabacelwe ukuba bahlolisise imisebenzi yakhe.

Lokhu kwethulwe nguMnu. Misheck Sibanda, okuhlangothi olubona ngokwenzakala ewofisini kamongameli lamalunga edale leCabinet.

USibanda uthe abakhokhelwa nguMnu. Simba Mubako, akade bekuqula labahlolisisa udaba lolu ebizwa ngeSilungu ngokuthi yiTribunal, bathole ukuba uJustice Ndewere kafanelanga ukuba sesikhundleni sikamahluli weHigh Court.

Uthe baveze ukuba umongameli ulelungelo lokumxotsha emsebenzini ngoba kalamandla okusebenza kwezemithetho.

USibanda uthe uMnangagwa usebenzise isiqa somthetho okhangelane lokuxotsha abakudale lezomthethwandaba.

Kasenelisanga ukukhuluma loJustice Ndewere ngodaba lolu. Uthi ubethwaliswe nzima ngumahluli omkhulu wedale leSupreme Court uJustice Luke Malaba, obemethesa amacala okungalandeli amtshela khona.

UJustice Ndewere kubikwa ukuba ubengenelisi ukuthetha amacala ngemfanelo okwenza ukuba akhulule isibotshwa esasitshontshile ngendlela engaqedakaliyo.

Facebook Forum

XS
SM
MD
LG