Liviki esigabeni lapho esikhangela okwenziwa yizizalwane zeZimbabwe esezathuthela kwamanye amazwe, sixoxa loNkosikazi Lourrine Khambule odabuka eDekezi eFilabusi osehlala eNgilandi. UMaNcube yena empilweni uyingcwethi kwezokuthunga izigqoko.
Uthe esefike kweleNgilandi wacabanga ukwengezelela ulwazi lwakhe kulumsebenzi ukuze aqhelise amathuba akhe okuthola inzuzo engcono yokunakekela imuli yakhe, ngokufundela njalo ukuba ngumbalisi wezifundo zokuthunga.
Ebuzwa ukuthi kungani wazithalisa nzima ukwenza izifundo zaphezulu kangaka emakolitshini awe University zamadegree amabili kodwa ahambelenayo? Yena uthi “Ngabona kungcono ukuthi ngenze njalo ukuze ngabelane ulwazi lesiphiwo engilaso sokuthunga labanye, ngokusebenzisa amathuba womabili ukufundisa abanye ukuthunga izembatho ezilohlonzi kanye lokuthungela abakhwabitha izigqoko zami lamastyles ami".
"Ngananzelela njalo ukuthi ngathi ngifika eNgilandi kwakungelula ukufika uncintisana labanye ababevele bekulumsebenzi, ngakhoke ngabona kulula ukuthi ukuze ngenelise ukuthola okokunakekela imuli lendingeko zami kwakumele ngifundele ububalisi ngiyefundisa ekolitshini ngithole iholo elingcono kodwa eceleni ngithungela abanye ngaleyo ndlela ngalezi nsuku, ngithola inzuzo ethe xaxa emisebenzini yomibili.
Kulabo abangathanda ukuthenga izigqoko zikaLoppy utholakala enkundleni zebulenjini ezibalisa i-Facebook lakuInstagram ekhasini lakhe eliphansi kwegama elithi "Miss Loppy"
