Imisebenzi yokulungiswa kwezinto- kuma industry, ithuthikile lonyaka isilinganiso sawo saqonga sisuka kokulitshumi ekhulwini 10% sayafika kokungamatshumi ayisikhombisa lanhlanu ekhulwini 75%, kubika umphathintambo wezemali uMnumzana Tendai Biti.
UBiti wethule lokhu kugwalo lwakhe lwe Macro economic policy and budget framework ka 2010 kusiya ku 2012. Kodwa umbiko kaBiti uthi isilinganiso sempahla ezilungisiweyo emafekithali elizwe silokhe singaphansi kwesilinganiso sokungamatshumi amane lanhlanu ekhulwini 45%.
UBiti uthi kulemali engangezigidi ezingamakhulu amahlanu zamadollar eMelika-US$500 million ekwelediswe abamabhizimisi lonyaka okwenze kwaba lentuthuko kwezamabhizimusi kancane. Ingcwethi kwezenotho zithi ilizwe lifuna imali engange billion elilodwa lamadollar eMelika- US$1billion yokuvusa ezamabhizimisi.
UMnumzana Sam Ncube ngumqondisi wenhlanganiso ye Affirmitive Action Group –AAG esigabeni selemandebeleni. UNcube tshele uBrenda Moyo ukuthi isilinganiso sokusebenza kwama industry elizweni silokhe siphansi kakhulu kulaleso esethulwa ngu Biti.
