Izisebenzi zenkampani kaLoliwe eye National Railways of Zimbabwe zithi kufanele uhulumende aqale aqhube uhlelo lwe audit eyokudingisisa ngembiko ekhomba ukuthi imali ayisetshenziswa ngemfanelo kunkampani le engakaqhubekeli phambili ngemizamo yokuthi ayivuselele.
Inhlanganiso ezilwela amalungeleo ezisebenzi zeNRZ zitshele idale lephalamende izolo ukuthi kufanele kuphungulwe inani leziphathamandla ezisebenza koLoliwe njalo kuqedwe inkonhliso ekule inkampani ngoba kuyikho okuyibhidlizayo.
Umphathintambo kahulumende obona ngemota zokuhambisa uMnu. Obert Mpofu usanda ukutshela iStudio 7 ukuthi amalungiselelo asesemaphethelweni awokuthi ibhanga le African Development Bank lisebenze lohulumende ukuvuselela linkampani.
Ukuze sihlaziye loludaba, uSithandekile Mhlanga weStudio 7 uxoxe loMnu. Masimba Kuchera, ingcwethi ecubungula ezomnotho welizwe, yena ogcizelela ukuthi kfanele uhulumende ayenze le iaudit ukwenzela ukuthi uhlelo olutsha afuna ukuluqhuba luphumelele.
