amalinks wokungena

Breaking News

Abantu Baqhubeka Bezabela Indawo Zokuhlala Ngokungekho Emthethweni


Bulawayo Mayor Martin Moyo

Umayor walelidolobho uMnu. Martin Moyo uthi Ikhansili isanda ukususa abantu abakade behlezi ngokungekho emthethweni eWestgate Estates.

Ikhansili yakoBulawayo ithi ilokhu ilindele ukuthi amapholisa asuse abantu abahlezi ngokungekho emthethweni endaweni zalikhansili ngesikhathi ukuhlala kwabantu ngokungekho emthethweni endaweni ezimbalwa zakulelidolobho kanye lasemngceleni walo kuqhubekela phambili.

Ikhansili isanda ukususa abantu abakade behlezi ngokungekho emthethweni eWestgate Estates, njalo umayor walelidolobho uMnu. Martin Moyo uthi amapholisa kamanisipala alokhu elindile, ukwenzela ukuthi bengaphenduki.

Amapholisa abikwa ezama ukususa abantu abahlezi epulazini leNorwood Farm ngokungekho emthethweni, lanxa okhekhela laba abantu, uMnu. Tariro Magovanyika ebikwa ekulandula lokhu esithi amapholisa abesithi bengagamuli izihlahla kuphela.

UMnu. Martin Moyo, umayor wedolobho lakoBulawayo utshele uSithandekile Mhlanga weStudio 7 ukuthi ukuhlala kulezindawo ngokungekho emthethweni kuphazimisa impahla zalikhansili ngoba abantu laba begamula izihlahla njengalokhu abasebekwenza eMazwi Nature Reserve.

Ingxoxo LoKhansila Martin Moyo
please wait

No media source currently available

0:00 0:01:51 0:00
Lapho esitholakala khona

XS
SM
MD
LG