amalinks wokungena

Breaking News

Ikhansili YakoBulawayo Ilungisa Indawo Ezintsha Zokuthengisela


Harare Vendors

Abathengisa ezitaladini kulelidolobho bazasebenzela endaweni ezintsha, okuzagcizelelwa yisinqumo esizaphuma emhlanganweni omkhulu we Full Council meeting ngeviki ezayo.

Inhlanganiso ebona ngamalungelo abathengisa ezitaladini eye Bulawayo Upcoming Traders' Association ibikwa isithi ababethengisa ezitaladini zeHarare ngokungekho emthethweni sebabaleka eHarare njalo sebethengisela koBulawayo, okungabangela ingxabangxoza kulelidolobho.

Isipahthamandla salinhlanganiso uMnu. Dumisani Ncube ubikwa esithi abathengisayo bayazana ngakho kulula ukunanzelela ukuthi sokulabantu abavela kwelinye idolobho.

Ngakwelinye icele, ikhansili yakoBulawayo ithi iphakathi kokulungiselela abathengisa ezitaladini zalelidolobho ngokungekho emthethweni indawo ezintsha zokusebenzela.

Ukhansila Mlandu Ncube ka Ward One enzikini yedolobho lakoBulawayo ugcizelele ukuthi ikhansili yakhe isilolonga amalungiselelo awokuthi abathengisa ezitaladini kulelidolobho bayesebenzela endaweni ezintsha, okuzagcizelelwa yisinqumo esizathathwa emhlanganweni omkhulu we Full Council meeting ngeviki ezayo.

please wait

No media source currently available

0:00 0:02:09 0:00
Lapho esitholakala khona

XS
SM
MD
LG