amalinks wokungena

Breaking News

Gabhuza: Idale Lephalamende Lizamema uMnu. Chasi Ukuzochasisa Ngokusilela Kwamafutha Ezimota


Joel Gabhuza

Ikhomithi yedale lephalamende ebona ngamandla amagetsi eye Parliamentary Portfolio Committee on Energy and Power Development ithi izamema umphathintambo kahulumende omutsha obona ngaloluhlangothi uMnu. Fortune Chasi ukuthi achasise ukuthi kungani amafutha ezimota elokhu esilela.

Ikhomithi yedale lephalamende ebona ngamandla amagetsi eye Parliamentary Portfolio Committee on Energy and Power Development ithi izamema umphathintambo kahulumende omutsha obona ngaloluhlangothi uMnu. Fortune Chasi ukuthi achasise ukuthi kungani amafutha ezimota elokhu esilela lanxa uhulumende esithi uyalungisa loluhlupho.

Lokhu kuvezwe nguMnu. Joel Gabhuza umgcinisihlalo wekhomithi le, njalo emela iBinga South edale lephalamende, ekubandla leMDC.

UMnu. Chasi ufungiswe ngoLwesithathu ukuthatha lesi isikhundla esasingesika Mnu. Jorum Gumbo, njalo uthi uzaqeda inkohlakalo ebangela ukuthi amafutha la asilele.

Ukuqonga kwentengo yamafutha sokubangele ukukhuphuka kwembadalo yempahla ezitolo, lokunye okunengi-nengi okwenza impilo yabantu ibe lukhuni.

Asuzweni uMnu. Gabhuza echasisa ngaloludaba.

please wait

No media source currently available

0:00 0:04:05 0:00

Facebook Forum

XS
SM
MD
LG