amalinks wokungena

General Constantino Chiwenga: Lina beZanu PF Yekelani Ukuxotsha amaWar Vets

  • VOA

Umkhokheli webutho, uGeneral Constantine Chiwenga

Ukulwisana kubandla leZanu PF sokungenelwe ngamasotsha ngemva kokuba umkhokheli wamabutho eZimbabwe, uGeneral Constantine Chiwenga, ethule amazwi ngoMvulo esola kakhulu ukuxotshwa mahlayana kwabantu kulelibandla, ikakhulu abalwa impi, esithi lokhu kumele kumiswe ngokuphangisa.

Embikweni awethulele intathelizindaba eHarare, General Chiwenga uphinde wasola amalunga eZanu PF angayanga empini esithi yiwo ahamba phambini ekuxotsheni abanye ngenjongo yokudiliza lelibandla.

Abanye bathi lapha uChiwenga ubekhuluma ngabantu abafana loProfessor Jonathan Moyo loNkosikazi Grace Mugabe, bona abangamalunga eqembu leGeneration 40 (G40).

UGeneral Chiwenga wengeze wathi ukulwisana okukhona kuZanu PF sokubangele ukuhlupheka okukhulu kuzulu, okugoqela ukusilela kwemali emabhanga.

Uthi akulantuthuko ebe khona eminyakeni emihlanu edluleyo ngoba amalunga ebandla lelli ephakathi kokudlephala kulokulsebenzela uzulu.

Uthi njalo ukuxotshwa kwabantu abalwa impi yenkululeko kumele kuphele, esithi njalo umuntu wonke kumele enikwe ithube elilinganayo kukhetho lwekhokheli yalelibandla ngoMpalakazi kuExtra Ordinary Congress.

Amazwi kaChiwenga la aza ngemva kokuxotshwa kukaMnu. Emmerson Mnangagwa kuhulumende lakuZanu PF esetheswa icala lokuzama ukuvukela umbuso kaMugabe.

Owalwa impi yenkululeko njalo engumkhokheli webandla leAlliance for National Salvaiton, uMnu. Moses Mzila, uthi kusobala ukuthi uGeneral Chiwenga usekela uMnangagwa njalo uthi yinto engalunganga ukuthi ibutho lingene kwezombusazwe.

Facebook Forum

XS
SM
MD
LG