amalinks wokungena

Breaking News

Amapholisa Abopha uJaphet Moyo Wenhlanganiso yeZimbabwe Congress of Trade Unions


UMnu. Japhet Moyo wenhlanganiso yezisebenzi eyeZCTU.

Unobhala jikelele wenhlanganiso elwela ilungelo lezisebenzi, eye ZCTU, uMnu. Japhet Moyo ubotshiwe namhla ngesikhathi uhulumende eqinisa umkhankaso wakhe wokubopha amalunga enhlanganiso ezizimeleyo kunye lamalugna edale lephalamende awebandla leMDC.

UMoyo ubesandafika elizweni evele kwele China lapho ahle wabanjwa ngamapholisa ahamba laye enkambeni ye Harare Central.

UMoyo wetheswa icala lokutshotshozela ubudlwangudlwangu ngesikhathi kutshengiselwa ngeviki edluleyo.

Kodwa uMoyo ubengekho elizweni kumaviki amabili adluleyo.

Lokhu kwenzakala amalunga edale lephalamende awebandla leMDC esebaleke ezindleni ayacatsha kulandela umkhankaso wamapholisa okubabopha.

Sikhuluma nje sokulamalunga alelibandla ayisithupha asesitokisini lapho ancitshwe khona ithuba lokuhlawula imali yesibambiso sebail.

Sixoxe lesikhulumeli sebandla leMDC kob Bulawayo, uMnu. Felix Magalela Mafa Sibanda ukuze sizwe okunengi ngaloludaba.

“Kuliqiniso baba Gande ukuthi umumo awunzinzanga. Asiza kahle ukuthi sizavatshela kubani ngoba uhulumende useveze ukuthi abantu abahamba bedubula abantu kasomasotsha yizigangi ezitshontshe imibhobho le uniform,” kutsho uMafa Sibanda.

Uthi lokhu kuleath ubunzima bokuthi lokhu kungaba liqiniso na. Wengezelele esithi ngenxa yokucitshwa kwe Intenet bekulula ukuthi abantu begongodwe kungaziwa muntu njengesikhathi se Gukurahundi.

please wait

No media source currently available

0:00 0:02:21 0:00

Facebook Forum

XS
SM
MD
LG