Lokhu kungakaqondakali ukuthi umnotho welizwe uyangaphi kulandela ukumiswa kokusetshenziswa kwemali yakwamanye amazwe.
Ezinye ingcwethi zithi inyathelo elithethwe nguhulumende lilakho ukuvuselela umnotho welizwe nanku isisindo sedola leZimbabwe kumbe ibond, sesehlile ngesilinganiso esikhulu kusukela ngoMvulo.
Idola leZimbabwe ebeselimisana ledola leMelika ngesisindo esingamadola alitshumi (1:10) selikhuphuke laya kumadola amane kudola linye leMelika (1:4) emkambo wensitha.
EHarare kubikwa isisindo sedola le Zimbabwe lokhu sisiwa lithengiswa nge 1:13 kodwa labayithengisayo bathi abakaqondisisi ukuthi kusiyaphela iviki kuyabe kuhamba njani.
Sixoxe lomunye wabathengisa imali emgwaqweni ko Bulawayo, usiphatheleni, ongafunanga ukuqanjwa ngegama.
Omela isigaba seSoutherton edolobheni le Harare, uMnu. Peter Moyo, uthi uhulumende wephule umthetho ngoba engaqalanga wethulela uzulu okuphathelane lenyathelo leli.
UMongameli Emmerson Mnangagwa yena uthe inyathelo elithethwe nguhulumende selizabangela ukuthi ilizwe lifane lamanye amazwe asebenzisa imali yawo.
Kwezinye indawo ezinjenge Matabalelend South idola leZimbabwe belivele lingasemukelwa ezitolo.
