amalinks wokungena

Breaking News

Grace Mugabe: Abantwana Akufanelanga bendiswe Bebancinyane


Unkosikazi Grace Mugabe olenkampani yochago iGushungo Holdings

Usole lamazwi abikwa akhulunywa ngumtshutshisi omkhulu kahulumende uMnu. Johannes Tomana awokuthi abantwana abaleminyaka elitshumi lambili bengaya emacansini.

UNkosikazi kamongameli welizwe uGrace Mugabe usole ukwendiswa kwabantwana besesebancinyane kanye lamazwi abikwa akhulunywa ngumtshutshisi omkhulu kahulumende uMnu. Johannes Tomana awokuthi abantwana abaleminyaka elitshumi lambili bengaya emacansini.

UNkosikazi Mugabe ubekhuluma emhlanganweni eKadoma ngoLwesithathu lapho abevula khona ngokusemthethweni uhlelo lokwakhela abantu bakulindawo izindlu. Ubekhatshwe ngabasekeli bakamongameli bobabili, oMnu. Phelekezela Mphoko lo Emmerson Mnangagwa kanye lomphathintambo obona ngezabelo uMnu. Ignatious Chombo.

Uphe abantu abakade bekulumhlangano izipho ezigoqela izicathulo, ingubo , kanye lokudla.

Uzwakale etshaya isilogana esithi “Phansi le Gmatox” njalo encoma uMnu. Mphoko loMnu. Mnangagwa ngokuthi bakhuthele okwedlula owayephethe lesisikhundla, okwenze abanye bacabangela ukuthi utsho uNkosikazi Joice Mujuru, yena osowaxotsha kulelibandla.

Kodwa uMnu. Morris Ngwenya, ingcwethi ecubungula ezombusazwe njalo elilunga lebandla leZANU PF uthi umhlangano lo ubungayisiwo we rally njalo uNkosikazi Grace Mugabe ubegcwalisa umsebenzi wakhe.

Uthe lanxa uMnu. Mnangagwa echasisile ukuthi uMnu. Tomana kakhulumanga ngendlela imisakazo lamaphephandaba athi wakhuluma ngayo, kuyajabulisa ukubona uNkosikazi Mugabe elwela amalungelo abantwana.

please wait

No media source currently available

0:00 0:02:33 0:00
Lapho esitholakala khona

XS
SM
MD
LG