amalinks wokungena

Breaking News

Red Cross: Abanye Abantwana EGwanda Abayi Esikolo Ngenxa Yendlala


girl school children

Okubangela indlala le abe Red Cross bathi kugoqela ukungani kwezulu eleneleyo kanye lokuswelakala kwenhlanyelo.

Indlala ilokhu iqhubeka isidla ubhedu elizweni ikakhulu eGwanda eMatabeleland South, lapho inhlanganiso eyabela abantu ukudla eye Red Cross ethi inkulungwane ezintathu zabantwana bezingayi esikolo ekuqaliseni kwawonalo umnyaka ngenxa yezizatho ezigoqela indlala.

Inengi labantu ezigabeni ezilendlala libikwa lisidla izithelo zeganga njalo lingafinyeleli konke ukudla okwakha umzimba.

Inhlanganiso ye Red Cross ithi okubangela indlala le kugoqela ukungani kwezulu eleneleyo kanye lokuswelakala kwenhlanyelo. Yengezelele yathi ezinye izakhamizi zalindawo zilokhu ziqhubeka zithengisa izifuyo ukwenzela ukuthola ukudla, njalo lokhu kunciphisa inotho yazo.

Inhlanganiso ye Red Cross yona ithi iyake incedise abantu ngokudla, inhlanyelo, ukwakha izibholane, kanye lokufundisa abalimi indlela zokuthola isivuno esithe xaxa lanxa okokulimisa kungatholakali.

Ukuze sizwe okunengi okwenzakala eGwanda, uSithandekile Mhlanga weStudio 7 uxoxe loMnu. Thandeko Zinti-Mnkandla owayemela iGwanda North edale lephalamende, yena ogcizelela ukuthi inengi kulesi isigaba lidinga ukuncediswa ngezifuyo ngoba izilimo zingavumi.

please wait

No media source currently available

0:00 0:02:49 0:00
Lapho esitholakala khona

XS
SM
MD
LG