amalinks wokungena

Breaking News

Habakuk Trust: Abanye Baguga Baze Bafe Bengela Ma Birth Cerificate


Incwadi zama birth certificate zitholakala nzima.

Udubo lokungabi lencwadi zokuzalwa ezibalisa lezithupha luhlasele abanengi, ikakhulu abadabuka esigabeni seMandebeleni.

Ukucwayisisa okwenziwe yi Studio Seven kuveze ukuba abanye baze bafe bengelazo lezincwadi ngoba indlela zokuzithola uhulumende sewazomisa kakhulu.

Esigabeni seMandebeleni inengi labantu elingelazo lezincwadi zatshabalala ngesikhathi sombhuqazwe wegukurahundi. Kuthi abantwana balabo bantu labo kuyehlula ukuba bazithole ngitsho lezizukulwane zabo.

Abanye kuyehlula ukuba bazithole ngoba kuyabe kudingakala abafakazi, imali njalo lamawofisi akhona akude labantu njalo esinye isikhathi kuthiwa abantu baye eharare ukuyalungiselwa udaba lwamaphepha la.

Okwamanje uhulumende uphakathi kokubhalisa ukuthathwa kwezithupha lencwadi zokuzalwa kodwa inengi labantu selehlulekile ukuzithola. Lokhu kuzenza bengenilisi ukubhalisela ukuvota.

Umnu. Nkanyiso Netha uthI bayehluleka ukuthola izithupha lencwadi zokuzalwa kudingakala abafakazi lemali engekhoyo, lalabo bafakazi abakho.

Umgcinisihlalo wezapu eMatabeleland North, uMnu. Mathew Sbanda uthi inengi labantu abalazo incwadi zokuzalwa kunye lezithupha, ethi uhulumende kalulungise loludubo ngoba abantu babhekane lobunzima.

Esinye isakhamuzi sesanzukwi emangwe, uMnu. Melusi Nyathi, ulandise udaba lokuthi abantu babhekane lodubo ngalesiskhathi ngaphansi kohlelo lokuthathisa izithupha ethi uhlelo lolu luzadlula bengenelisanga ukuthatha ngoba kudingakala izinto ezinengi labafakazi.

Olwela amalungelo oluntu, uMnunzna Mbuso Fuzwayo, ubike ukuba uhulumende wephula amalungelo oluntu ngokungaphi abantu incwadi zokuzalwa lezithupha.

Udubo lolu selubangele ukuba inhlanganiso yezokholo, iHabakuk Trust ilobe ugwalo lwezikhalazo, ipetition, lusiwe kuhulumende.

Ipetition le itholakala kubhuku lemisebenzi yedale ebulenjini ku

www.parlzim.gov.zw/national-assembly-hansard/national-06-december-2017-vol-44-no-26

Ipetititon yeHabakkuk Trust ithi idale lephalamende kumele livikele uzulu kulungelo lakhe lokuba lencwadi yokuzalwa lesithupha, lezinye incwadi eziqakathekileyo.

Ipetition le ithi idale kumele liphume lendlela ezizalandelwa lugatsha lwendaba zekhaya ukuze iwofisi kamsitheli itholise wonke umuntu elizweni lezincwadi kungakhathalekile ukuthi ulenhlupho bani ngoba loludubo seludale ubuyanga empilweni zabanye abantu.

please wait

No media source currently available

0:00 0:02:32 0:00

Facebook Forum

XS
SM
MD
LG