amalinks wokungena

'Labo Abajikela Izikhali Enkundleni Zemidlalo Bazonda iBosso'

  • Joseph Njanji

UMorden Ngwenya, umgcinisihlalo weqembu lenguqu eleHighlanders

Ophethe isikhundla sikamgcinisihlalo weqembu le Highlanders, uModern Ngwenya, uthi akusibo balandeli beqembu le Highlanders abadale ukuba umdlalo waleliqembu lele FC Platinum obusenkundleni yeMandava ungafiki emaphethelweni ngeSonto.

Ekhuluma lentathelizindaba zemidlalo emhlanganweni obizwe liqembu le Highlanders namhla ekuseni, uNgwenya uthe yena umdlalo ubuzaqhubekela phambili aluba amapholisa engasebenzisanga intuthu ehitshayo ukuzama ukumisa udlakela oluqhamuke ngemva kokuba iqembu le FC Platinum selihlohle umbekwa umdlalo ususiya phela.

UNgwenya uthi iqembu le Highlanders liqembu elilandela umthetho wenguqu njalo njengeqembu bacabangela ukuba labo abajikijela izikhali enkundleni akusibo balandeli babo.

“Sibuhlungu ngalokhu okwenzakale eMandava. Ukujikijela lokhuyana sibona angathi ayisikho kwabantu beHighlanders ngoba umuntu nxa egqoke ezimnyama ngenkani akutsho ukuba ngumuntu weHighlanders. Singabakwazi ngokubona ukuthi uphethe ikhadi yini lowomuntu elokuthi ulilunga le Highlanders. Abanengi esibabona bejikijela kumbe vele ngingathi bonke kasibazi thina.”

Ukungafiki emaphethelweni komdlalo wangeSonto kuza ngemva kokuba umdlalo obuphakathi kweqembu le Highlanders lele Dynamos lawo umiswe kungakapheli ihlandla lakuqala lomdlalo ngoba sekuvuke udlakela abalandeli bejikijela amatshe lezigubhu ezilenhlabathi enkundleni.

Ikhomithi ethonisisa amacala kusigaba sePremier Soccer League ilokhu ingakethuli isinqumo phezu kokuba kuzakwenzakalani ngalowomdlalo owawusenkundleni yeBarbourfields.

UNgwenya uqhubekele phambili esithi akusiloqiniso ukuba abalandeli beqembu le Highlanders bathanda umsindo esithi emdlalweni olandelwe yilo owangempelaviki iqembu leli litshaywe ngele Chicken Inn abalandeli baphuma bazihambela emakhaya ngokuthula.

“Siyatshumayela ilizwi elokuthi bakithi asifuni bantu abaphazamisa umdlalo webhola. Asidlaleni umdlalo webhola kuhle ukuze imuli zibuye zizozikholisela enkundleni. Nxa sesijikijelana akubi kuhle njalo nxa amapholisa lawo nxa esephosela intuthu ehitshayo abantwana sebesuka bekhala asithokozi. Ngiyacela ukuthi thina njengabalandeli bebhola kasibuye silenjongo eyokubukela sibuyele ngekhaya. Kodwa ngithi mina bonke abasekeli be Bosso khathesi kabafuni ukujikijela njalo labo abazajikijela lizababona beqondiswa ngabantu bebhola abathanda iBosso.

Inhlanganiso ye Premier Soccer League yiyo ezakutsho ukuba kuthathwa nyathelo bani ngempumela yomdlalo lo wona omiswe imizuzu engamatshumi ayithoba munwe munye (90 minutes) isiyedlule njalo amaqembu womabili esehlohle kanye.

Impumela yemidlalo edlalwe ngempelaviki itshiye iqembu le Ngezi Platinum lihlezi phezu kwengalane yemiklomelo lilemiklomelo engamatshumi amabili lanhlanu kuthi ngemva kwalo kuleqembu le Black Rhinos elilemiklomelo engamatshumi amabili lambili.

Ngaphansi kwengalane kuleqembu le Tsholotsho lonba elilemiklomelo emine kuthi endaweni yesibili nxa usuka phansi kuleqembu le Bantu Rovers elilemiklomelo eyisithupha.

Facebook Forum

XS
SM
MD
LG