amalinks wokungena

Breaking News

Hlawulisa Izipatsha Imithelo Ephezulu Hatshi Ukubulala Uzulu, Kuxwayiswa Uhulumende


Zimbabwe Banks - CABS Banks

Inhlanganiso ezizimeleyo sezisungule umkhankaso wokuthuthaza uhulumende ukuthi abhadalise izinothi imithelo ephezulu kulokuthwalisa abantu abadubekayo nzima ngemithelo engapheliyo.

Umkhankaso lo uqhutshwa zinhlanganiso ezigoqela iZimbabwe Coalition on Debt and Development (ZIMCODD), iFight Inequality Alliance-Zimbabwe lezinye ezitshiyeneyo njalo uqhutshelwa enkundleni zokuxhumana.

Inhlanganiso lezi zilohlelo lokutshengisela kulezinkundla ezifanaleFacebook leTwitter oluqale mhlaka 15 kuZibandlela lusiyaphela mhlaka 22.

Zibambane lezinye inhlanganiso eziphansi kweFight Inequality Alliance emhlabeni jikelele kulumkhankaso njalo zikhuthaza amazwe omhlaba ukuthi akhwezele izinotho imithelo ukuze ohulumende bathole imali ezathuthukisa uzulu makhaza.

Zithi umphathintambo wezemali uMnu Mthuli Ncube kumele atshiyane lokubhadalisa abantu abavele bezidubekela imithelo engapheliyo.

Lezinhlanganiso zithi inkisela zeZimbabwe azihlawuli mithelo kanti njalo inotho yazo enengi zayithola ngokwenza imisebenzi yokungethembeki, icorruption. Ngakho, zithi kumele amapholisa acubungule lababantu.

please wait

No media source currently available

0:00 0:05:03 0:00

Facebook Forum

XS
SM
MD
LG