JOHANNESBURG —
Inhlanganiso elwela ilungelo loluntu iHuman Rights Watch isikhuthaze ukuthi kuqiniswe imithetho kanye lokuhlelwa kakutsha kwezomvikela ezimbabwe ukhetho lungakenziwa.
Embikweni ewethule ngoLwesithathu, iHRW ithe ukungenela kwamasotsha, amapholisa lenhloli zikahulumende endabeni zombusazwe, yiyo ingozi enkulu ezakwenza eleZimbabwe lehluleke ukuqhuba ukhetho olukhululekileyo.
Lumbiko, olesihloko esithi “The Elephant in the Room: Reforming Zimbabwe’s Security Sector Ahead of the Elections,” uthi malutshwana amathuba okuthi kube lokhetho olukhululekileyo nxa abezomvikela bengaqhubeka bengenela kwezombusazwe.
Ucwaningo oluqhutshwe yinhlanganiso le koBulawayo, eMidlands, eManicaland, eMashonaland Central, East leWest luthole ukuthi amaviyo ezomvikela asetshenziswa ukuhlukuluzwa lokwethusela abasekeli bebandla leMDC lamalunga enhlanganiso ezizimeleyo.
Kutholakele njalo ukuthi sekuhlanyelwe abebutho emphakathini ababamba ngamandla izakhamizi ukuthi zisekele iZanu PF.
Umqondisi weHRW eAfrica uNkosikazi Tiseke Kasambala, uthi amazwi ethulwa yindunankulu yebutho uMnu Constantine Chiwenga, ethethisa inhloko kahulumende uMnu Morgan Tsvangirai, esithi ungumthengisi njalo ugula umkhuhlane wenqondo, akhombisa sobala ukuthi kukhona abezomvikela okufanele babotshwe bayepika ejele.
Uthi ezinye zezehlakalo ezenza kudingeke ukuhlelwa kakutsha kwezomvikela kugoqela izenzo zenkokheli yebutho uMnu Philip Valerio Sibanda, usikomisthi wamapholisa uMnu Augustine Chihuri, inkokheli yebutho lemkhathini uPerence Shiri lenhloko yezamajele uMnu Paradzai Zimondi ababonakala besemhlanganweni weZanu PF ngoMpalakazi nyakenye.
IHRW ikhuthaze ukuthi kuhle kuthunyelwe abaqapha ezokhetho abavela emhlabeni jikele kusukela khathesi ukuze kuhle kubonakale ukuthi iZimbabwe ikulungele kumbe hatshi ukuqhutshwa kokhetho olukhululekileyo, njalo olungelakwethusela lokuqilibezela.
Embikweni ewethule ngoLwesithathu, iHRW ithe ukungenela kwamasotsha, amapholisa lenhloli zikahulumende endabeni zombusazwe, yiyo ingozi enkulu ezakwenza eleZimbabwe lehluleke ukuqhuba ukhetho olukhululekileyo.
Lumbiko, olesihloko esithi “The Elephant in the Room: Reforming Zimbabwe’s Security Sector Ahead of the Elections,” uthi malutshwana amathuba okuthi kube lokhetho olukhululekileyo nxa abezomvikela bengaqhubeka bengenela kwezombusazwe.
Ucwaningo oluqhutshwe yinhlanganiso le koBulawayo, eMidlands, eManicaland, eMashonaland Central, East leWest luthole ukuthi amaviyo ezomvikela asetshenziswa ukuhlukuluzwa lokwethusela abasekeli bebandla leMDC lamalunga enhlanganiso ezizimeleyo.
Kutholakele njalo ukuthi sekuhlanyelwe abebutho emphakathini ababamba ngamandla izakhamizi ukuthi zisekele iZanu PF.
Umqondisi weHRW eAfrica uNkosikazi Tiseke Kasambala, uthi amazwi ethulwa yindunankulu yebutho uMnu Constantine Chiwenga, ethethisa inhloko kahulumende uMnu Morgan Tsvangirai, esithi ungumthengisi njalo ugula umkhuhlane wenqondo, akhombisa sobala ukuthi kukhona abezomvikela okufanele babotshwe bayepika ejele.
Uthi ezinye zezehlakalo ezenza kudingeke ukuhlelwa kakutsha kwezomvikela kugoqela izenzo zenkokheli yebutho uMnu Philip Valerio Sibanda, usikomisthi wamapholisa uMnu Augustine Chihuri, inkokheli yebutho lemkhathini uPerence Shiri lenhloko yezamajele uMnu Paradzai Zimondi ababonakala besemhlanganweni weZanu PF ngoMpalakazi nyakenye.
IHRW ikhuthaze ukuthi kuhle kuthunyelwe abaqapha ezokhetho abavela emhlabeni jikele kusukela khathesi ukuze kuhle kubonakale ukuthi iZimbabwe ikulungele kumbe hatshi ukuqhutshwa kokhetho olukhululekileyo, njalo olungelakwethusela lokuqilibezela.