amalinks wokungena

Breaking News

I CFU Isola uHulumende Ngokwehluleka Ukumisa Ukuthunjwa Kwamapulazi


Inhlanganiso emela abalimi bamaphulazi amakhulu abamhlophe, i Commercial Farmers Union (CFU) sisole kakhulu uhulumende womanyano ngokwehluleka ukumisa ukuthunjwa kwamapulazi amalunga ayo.

Inhlanganiso le ithi abasekeli beZANU-PF baqhubeka bengena ngodlame emapulazini behlukuluza abalimi abamhlophe njalo bebaxotsha emapulazini la.

I CFU ithi njalo kulabalimi abathathu abathathelwe amapulazi endaweni ezitshiyeneyo zelizwe kumaviki amabili edluleyo. Omunye wabalimi laba nguMnu Ray Finaughty yena oxotshwe epulazini lakhe eRusape ngempelaviki.

Umkhokheli walinhlanganiso, uMnu Deon Theron utshele iStudio 7 ukuthi abalimi abamhlophe bebekhangelele ukuthi uhlelo lokuhluthunwa kwamapulazi abo lumiswe njengoba sokulohulumende womanyano.

Kodwa uthi akula nguquko esibe khona ngoba udlakela lulokhu lusiya phambili.

Ingcwethi ecubungula ezombusazwe uMnu Mlamuli Nkomo utshele uNtungamili Nkomo weStudio 7 ukuthi kuyadanisa kakhulu ukuthi ukuthunjwa kwamapulazi kulokhu kuqhubeka.

Okuhambelana lalokhu

‚Äč
XS
SM
MD
LG