amalinks wokungena

Breaking News

Inengi Lithi i-COVID 19 Isibuyisele Emuva Inhlelo Zokuziphilisa


Coronavirus

Isiphathamandla sikahulumende uMnu. Jerry Ndlovu, owayemele isigodlo seZimbabwe elizweni le United Arab Emirates kasekho.

Isiphathamandla sikahulumende uMnu. Jerry Ndlovu, owayemele isigodlo seZimbabwe elizweni le United Arab Emirates kasekho. Ubikwa ebhubhele esibhedlela eHarare ngemva kokugula okwesikhatshana.

Lokhu kuvezwe ngosaphethe isikhundla sokuba ngumphathintambo wogatsha lukahulumende olubona ngobudlelwano lamanye amazwe, uMnu. Amon Murwira embikweni awethule ngoMgqibelo ntambama. Ugatsha lolu beluphethwe ngumuyi uMnu. Sibusiso Moyo osanda ukubhubha, njalo uhulumende wathi ubulewe ngumkhuhlane weCOVID 19, ndawonye lezinye iziphathamandla ezimbalwa esezingcwatshiwe.

Lokhu kwenzakala umphathintambo obona ngenhlelo zemali uMnu. Mthuli Ncube uthi uhulumende usebeke imali efika izigidi ezilikhulu; 100 million ukuthi athenge imithi yama vaccinations, eyokwenqabela ukumemetheka kweCoronavirus.

Embikweni awethule ngoLwesihlanu, uMnu. Ncube uthe imithi le izakwenela abantu abayizigidi ezilitshumi 10 million. EleZimbabwe lingabe lilabantu abafika izigidi ezilitshumi lanhlanu 15 million. Amanye amazwe afana leleMelika, eleBhilithane, lamanye, asesebenzisa ama vaccinations awohlobo olutshiyeneyo,

Kusenjalo, abahlali bePlumtree bathi basola ukuhlukuluzwa lokubotshwa mahlayana ngamapholisa ngalesi isikhathi seLockdown. Asenelisanga ukukhuluma lamapholisa ngaloludaba. UMnu. Trymore Mpofu, ohlala ePlumtree, njalo eyisiphathamandla seMDC Alliance uchasisa okunengi ngaloludaba.

please wait

No media source currently available

0:00 0:02:36 0:00

Ukuze sizwe ukuthi udaba lwe Lockdown luphatha njani izisebenzi, sixoxa loMnu. Ambrose Sibindi, isiphathamandla senhlanganiso yeZimbabwe Congress of Trade Unions.

please wait

No media source currently available

0:00 0:04:46 0:00


Facebook Forum

XS
SM
MD
LG