amalinks wokungena

Breaking News

I-European Union ithi Imisakazo Lamaphephandaba Kahulumende Ayesekela I-ZANU PF Ngokhetho


Inhlanganiso ezibalisa eyeZimbabwe Electoral Commission, Broadcasting Authority of Zimbabwe, leye Zimbabwe Media Commission zibikwa zehluleka ukulungisa loludaba lanxa zaziluhlolisisa.

Umbiko owethulwe ngumanyano we European Union ngoLwesine uveza ukuthi amaphephandaba kanye lemisakazo kahulumende eZimbabwe abesekela ibandla leZANU PF ekusakazeni lokulobeni izindaba njalo echothoza umanyano wamabandla aphikisayo oweMDC Alliance ngesikhathi sokhetho.

Amaphephandaba la abalisa ele The Chronicle lele The Herald kukanti umsakazo ngowe Zimbabwe Broadcasting Cooperation. Inhlanganiso ezibalisa eyeZimbabwe Electoral Commission, Broadcasting Authority of Zimbabwe, leye Zimbabwe Media Commission zibikwa zehluleka ukulungisa loludaba lanxa zaziluhlolisisa.

I-European Union ithi lanxa kunjalo, kwakungeladlakela ekuthapheni indaba njalo zimbalwa intathelizindaba ezahlukuluzwayo kumbe ezalimalayo ngalesi isikhathi.

Ukuhlaziya loludaba sixoxe lomqondisi wenhlanganiso yabahleli eyeZimbabwe National Editors Forum, uMnu Njabulo Ncube, yena othi inhlanganiso yakhe yaqoqa umbuthano oqondabe laloludaba labahleli abatshiyeneyo elizweni.

Uthi abanye abahleli bamaphephandaba kahulumende bavuma ukuthi abalamandla phezu kwendlela abaloba ngayo indaba ngoba kufanele zisekele imbono yebandla leZANU PF.

please wait

No media source currently available

0:00 0:04:06 0:00

XS
SM
MD
LG