Ibandla leMDC Alliance selikhuthaze uhulumende ukuthi alungise elithi yingxabangxoza ekunkampani yeZUPCO ngokuvumela ezinye imota ukuthi zithwale abantu, njalo lanikeza uhulumende amacebo okwenqabela ukumemetheka komkhuhlane weCOVID 19 emabhasini la.
Obona ngenhlelo zemota zokuhambisa kulelibandla uMnu. Settlement Chikwinya uthi amacebo la abalisa ukuthi abantu beqhelelane emabhasini la, ehlanzwe kokuphela, njalo wonke owagadayo avale amakhala lomlomo nge mask.
Asenelisanga ukukhuluma lohulumende ngaloludaba, kodwa uhlezi esithi kufanele kusetshenziswe amabhasi lemitshova yeZUPCO ngendlela yokwenqabela ukumemetheka komkhuhlane weCOVID 19, njalo uzengezelela lezi imota. Ukhuthaza amapholisa ukuthi ahluthune imota ezingabhalisanga kunkampani yeZUPCO kodwa zithwala abantu, njalo okwamanje abazigadayo sebezabhadaliswa imali yefayindi.
Ukuze sizwe okunengi ngaloludaba, sixoxa loMnu. Felix Magalela Mafa, umsekeli wesikhulumeli sebandla leMDC Alliance.
