Icele leMDC elikhokhelwa nguMnu Morgan Tsvangirai selethese ibandla leZanu PF umlandu wokukhankasa lisebenzisa ukudla lenhlanyelo okumele kunikezwe uzulu nguhulumende.
Ukudla lokhu kubikwa kuthengwe nguhulumende womanyano ngenjongo yokukwabela izakhamizi ezilambayo ezigabeni ezitshiyeneyo zeliwe.
Kodwa iMDC ithi iZanu PF sithethe lokhukudla yakwenza okwayo, njalo iziphathamandla zayo ziphakathi kokwabela uzulu zisithi ngokweZanu PF.
AbeZanu PF bona bathi ukudla abakwabela uzulu ngabazithengele khona ngemali yebandla labo.
Umsekeli wesikhulumeli seMDC kaTsvangirai uNkosazana Thabitha Khumalo usole kakhulu izenzo zeZanu PF kungxoxo ayenze loNtungamili Nkomo weStudio 7.
